Cal é o período de admisión na FP básica?

 

 

• Fonte: Calendario de admisión para o curso 2020-2021

   
  

Cales son os requisitos para acceder á FP Básica?  

Requisitos que debe cumprir o alumnado  de forma simultánea:

• Ser proposto/a polo equipo docente
• Consentimento do pai, da nai ou dos/das titores/as legais
• Facer 15 ou 16 anos no ano de inicio do ciclo formativo
• Ter cursado o terceiro curso de educación secundaria obrigatoria ou, excepcional­mente, ter cursado o segundo curso

A proposta do equipo docente, tamén poderá solicitar a admisión na FP Básica o alumnado de 17 anos feitos no ano de inicio do ciclo formativo, escolarizado na educación secundaria obrigatoria.

De quedar prazas vacantes, completaranse os grupos con persoas que cumpran os seguintes requisitos:

• Que fagan 18, 19 ou 20 anos no ano de inicio do ciclo formativo
• Que non estean en posesión dun título de formación profesional ou calquera outro título que acredite a finalización de estudos secundarios completos

Que hai que facer para matricularse?

Presentar unha única solicitude de admisión e matrícula, asinada pola persoa solicitante (se esta é menor de idade, ademais deberá ser asinada por calquera dos/das titulares da patria potestade ou representantes legais) segundo o anexo I.

A solicitude presentarase no centro educativo no que pretenda ser admitido, e no caso de que a docencia do ciclo se organice en dous centros, a solicitude deberá presentarse no centro onde se impartan os módulos asociados a unidades de competencia.

Documentación a presentar:

• Copia do DNI ou NIE, no caso de non dar o consentimento para a comprobación dos datos de identidade no sistema de verificación do Ministerio de Facenda e Administracións Públicas
• Comunicación de incorporación á formación profesional básica segundo o anexo IV, no caso de alumnado que foi proposto polo equipo docente con 15, 16, ou 17 anos
• Certificado de discapacidade, no caso de participar no proceso de admisión pola re­serva para persoas con discapacidade

 

Toda a información en:  http://www.edu.xunta.gal/fp/fpbasica

Listaxes, posibles reclamacións... matricula,...❗❗



Atentos ao calendario❗❗

Recorda... para estar ao tanto do proceso de admisión FP...

👇👇👇👇

Admisión - matrícula FP 2020/21

 ☎️988685050
📬ies.vilamarin@edu.xunta.gal
🏨Contamos con residencia🤸🏽‍♀️

📌📌Hoxe 25 de xuño abre o prazo para a solicitude e posterior matrícula en ciclos FP. Curso 2020/21:

• Calendario de admisión (réxime ordinario e réxime para persoas adultas)
• Calendario de admisión (FP dual)

Máis información:

• Admisión FP dual
• Admisión ciclos grao medio
• Admisión ciclos grao superior

☎️988685050
📬ies.vilamarin@edu.xunta.gal

 

📋📌📌Calendario do proceso de admisión a ciclos de formación profesional e de FP dual. Curso 2020/2021

 

 

Publicado o calendario do proceso de admisión a ciclos de formación profesional e de FP dual para o curso 2020/2021.

• Calendario de admisión (réxime ordinario e réxime para persoas adultas)
• Calendario de admisión (FP dual)

Máis información:

• Admisión FP dual
• Admisión ciclos grao medio
• Admisión ciclos grao superior

 

 

 

👌Pensando no próximo curso!!


Estamos á espera da publicación de toda a información para o proceso de admisión e matrícula para o próximo curso 2020-2021: oferta educativa, prazos, instrucións,...

Lembra que estamos en:

WEB: 

• www.edu.xunta.gal/centros/iesdevilamarin/

 

Facebook:

• Ies Vilamarin
• Mónica Orientación Ies Vilamarín

Dpto. Orientación IES Vilamarín

orientacioniesvilamarin@gmail.com

 

 

Saúdos!! 🙋

👉👉Coñece a Formación Profesional:

Cales son os réximes e as modalidades nos estudos de FP? 

Onde podo consultar os prazos de admisión?

Como é o prazo de admisión e matrícula? 

*Información do portal da Consellería de Educación a data 10/06/20 

👇👇👀

Actualmente, a Formación Profesional pódese cursar por curso completo no réxime ordinario, na modalidade presencial –asistindo diariamente ao centro formativo– ou de xeito parcial por módulos formativos no réxime de persoas adultas, nas modalidades tanto presencial como a distancia.

A matrícula parcial por módulos permite que cada persoa deseñe o seu itinerario formativo en función da súa actividade laboral, das cargas familiares ou doutras actividades, respondendo así ás necesidades e aos intereses persoais ao longo da vida.

Para realizar a matricula no réxime de persoas adultas é preciso ter cumpridos os 18 anos no ano natural no que se inicien os estudos.

As ensinanzas de formación profesional conducentes á obtención dos títulos de técnico e de técnico superior están organizadas en ciclos formativos de grao medio e de grao superior, respectivamente

Para realizar estudos nos centros docentes sostidos con fondos públicos é necesario, ademais de cumprir os requisitos de acceso, participar nun proceso de admisión.

Este proceso establece un sistema de prioridades na adxudicación de prazas para cada centro educativo e para cada ciclo formativo (e, de ser o caso, de cada módulo profesional), así como os prazos de presentación de solicitudes e de formalización da matrícula.

Cando comece o prazo de admisión, poderás consultar os pasos a seguir para participar no proceso de admisión a ciclos no Portal de Edu Xunta -- http://www.edu.xunta.gal/fp/

Réxime ordinario

Este réxime está organizado en dous cursos en quendas de mañá e tarde, segundo o horario establecido polo centro educativo

A asistencia ás clases é obrigatoria.

O alumnado que estea en condicións de pasar ao segundo curso ou teña que repetir o curso deberá realizar unha solicitude de admisión. Terá a praza garantida sempre que o curse no ano seguinte e por primeira vez no mesmo centro e ciclo.

Réxime para as persoas adultas na modalidade presencial

Este réxime está organizado en módulos que se imparten ao longo dos tres trimestres do curso.

A xornada lectiva desenvólvese polo xeral en quenda de tarde-noite.

A asistencia ás clases é obrigatoria.

Nos módulos de ciclos LOE asociados a unidades de competencia o alumnado pode matricularse sen cumprir requisitos de acceso sempre que acredite dous anos de experiencia laboral no ámbito da familia profesional do ciclo formativo.

Para a obtención do título será preciso ter os requisitos de acceso e superar todos os módulos do ciclo formativo.

Cada curso haberá que facer unha nova solicitude de admisión. Aínda que a praza non está garantida, cada módulo superado incrementa a puntuación de participación no proceso de admisión.

Réxime para as persoas adultas na modalidade semipresencial ou a distancia

Este réxime está organizado en módulos que se imparten ao longo dos tres trimestres do curso.

A asistencia ás titorías e outros eventos formativos presenciais é recomendable, pero non obrigatoria.

Si é obrigatoria a asistencia as actividades de avaliación de cada trimestre. Para a realización das actividades a distancia seguiranse as instrucións do titor/a do curso.

Para a obtención do título será preciso ter os requisitos de acceso e superar todos os módulos do ciclo formativo.

Nos módulos de ciclos LOE asociados a unidades de competencia o alumnado pode matricularse sen cumprir requisitos de acceso sempre que acredite dous anos de experiencia laboral no ámbito da familia profesional do ciclo formativo e existan prazas vacantes ao final do proceso.

Cada curso haberá que facer unha nova solicitude de admisión. A praza non está garantida, aínda que cada módulo superado incrementa a puntuación de participación no proceso de admisión.

---

Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa de admisión).

 Fonte: http://www.edu.xunta.gal/fp/informacion-xeral

Para información sobre a nosa oferta educativa ou para calquera dúbida podes escribir a:

📧 orientacioniesvilamarin@gmail.com

Saúdos!! 🙋